Vetëvendosje: Deklarata e Jabllanoviçit tregon qëndrimin real të tyre
Deklarata e ish ministrit për Komunitet dhe kthim Alenksandër Jabllanoviç se ai dhe lista serbe ka hyrë në institucionet e Kosovës është bërë për interesa të Serbisë, nga lëvizja Vetëvendosje është vlerësuar si deklaratë e strukturave të Serbisë, duke hedhur poshtë çdo pretendim të përfaqësuesve të Kosovës se lista serbe në Kuvend dhe në Qeverinë e Kosovës, mbron interesat e serbëve të Kosovës.
“Ne kemi thënë me kohë se Lista Serbe është ish strukturë paralele e Serbisë, e cila u legjitimua nga Qeveria e Kosovës me marrëveshjen në Bruksel. Siç po shihet edhe nga deklarata e Jabllanoviqit, struktura e Serbisë mbetet strukturë e Serbisë, qoftë ajo legale apo ilegale” tha për Bota Sot, Erzen Vraniqi, zëdhënës i lëvizjes Vetëvendosje.
