Vetëm edhe një hap deri te finalja e madhe, KV Drita (M) fton tifozët t’i mbështesin djelmoshat “bardh e kaltër”

Emocione të papërshkueshme pritet të sjellin ndeshjet e gjysmëfinales në volejboll për meshkuj, e për sportdashësit gjilanas natyrisht në fokus do të jetë ndeshja që do ta zhvillojë skuadra gjilanase, KV Drita.

Pra, sonte, më 19 prill 2025, në ora 20:00, në Palestrën e qytetit në Kamenicë, KV Drita (M) do të jetë nikoqire e Skënderbeut, transmeton 2LONLINE.com.

Pas fitores në ndeshjen e parë, KV Drita, synon fitore sërish edhe në gjysmëfinalen e dytë, për ta prekur finalen e “Play Off 2025” në volejbollin e meshkujve.

Drejtuesit e klubit gjilanas thonë se sonte fitorja nuk ka alternativë që djelmoshat bardh e kaltër të kalojnë në finalen e madhe.

“Ftojmë të gjithë qytetarët e Gjilanit dhe Anamoravës të jenë prezent në përkrahje të djelmoshave bardh e kaltër që po shkruajnë “Histori”. Përpara Drita. Krenaria e Qytetit!”, thuhet në ftesën e klubit drejtuar adhuruesve të volejbollit dhe Dritës në veçanti.

Kujtojmë se në ndeshjen tjetër gjysmëfinale do të kemi ballafaqimin, Peja  – Ferizaj,

Përndryshe, ndeshja Drita – Skënderbeu, transmetohet LIVE nga FVK.  /2LONLINE/