Veseli: Shkelja e radhës e rektorit Zejnullahu!

(2L ONLINE) – Parlamenti i Studentëve i Universitetit të Prishtinës si organi më i lartë i përfaqësimit të studentëve të UP-së, i përcaktuar me anë të normave juridike në fuqi, kundërshton veprimin e sotëm të rektorit të sapozgjedhur prof.dr.Zejnullahu, i cili ka thirrur mbledhjen e Senatit të UP-së vetëm një orë para mbajtjes së tij.

Irfan Veseli. Kryetar i PSUP ka thënë se dihet qartë se mbledhjet e Senatit të UP-së duhet të thirren së paku dyzet e tetë (48), para mbledhjes në mënyrë të shkruar, apo formave të tjera të komunikimit. Kjo për Parlamentin e Studentëve është shkelja e radhës nga profesor Zejnullahu, e cila si i tillë nuk i kontribuon zhvillimeve normale në Universitet.

“Parlamenti Studentorë nuk do të bëhet pjesë e shkeljeve ligjore, duke marrë pjesë në këtë mbledhje, duke bojkotuar atë në mënyrë demonstrative. Për ne përfaqësuesit legjitim të studentëve, të zgjedhur direkt nga vota e tyre, nuk është ndonjë cudi e madhe ky veprim i jashtligjëshëm i profesorit, andaj bëjmë thirrje profesor Zejnullahut që të mundësojë funksionimin normal të UP-së, duke u larguar nga funksioni që momentalisht ushtron jashtligjëshëm në UP”, ka thënë Veseli.

Sipas tij Parlamenti i Studentëve paralajmëron Rektorin e ri se mënyra paqësore e të protestuarit do të vazhdojë deri në arritjen e qëllimit tonë, dorëheqjen e Rektorit Zejnullahu.

eslei tha se Parlamenti Studentor i Universitetit të Prishtinës, do të vazhdojë të mbrojë të drejtat dhe interesat e studentëve, duke kundërshtuar shkeljet e vazhdueshme në Universitet. /2L ONLINE/