Veseli: Le të dënohen politikanët dhe jo qytetarët

Kryetari i Kuvendit të Kosovës, Kadri Veseli ka kritikuar qasjen e Bashkimit Evropian pas lajmit se qytetarët e Kosovës nuk do të mund të udhëtojnë pa viza në Evropë.

Në konferencën e parë vjetore Kuvend-Shoqëri Civile, Veseli ka thënë se në qoftë se ka zëra për krim të organizuar dhe korrupsion në politikën e vendit, atëherë le të dënohen politikanët dhe jo qytetarët.

BE ka dal me një raport ku thotë se përkundër përparimeve që ka shënuar Kosova në implementimin e kritereve, ajo nuk ka marrë një rekomandim pozitiv, sa i takon liberalizimit të vizave, transmeton Gazeta Fjala.