Veseli dhe Buchanan: Zhvillimi ekonomik faktori më i rëndësi

Buchanan u shpreh se kjo përkrahje do të vazhdoj edhe në të ardhmen, si pjesë e përkrahjes së gjithanshme të SHBA-së për Kosovën. Kryetari i Kuvendit të Republikës së Kosovës, Kadri Veseli, sëbashku me anëtarët e kryesisë së Kuvendit, zhvilloi takim me një grup kongresmenësh amerikanë, të kryesuar nga Vern Buchanan, e të cilët janë anëtarë të Komisionit të Kongresit për Partneritet në Zhvillimin e demokracisë.

Në takim u bisedua për partneritetin e deritanishëm në mes Kongresit amerikan dhe Kuvendit të Kosovës, për përkrahjen e madhe që mekanizmat e Kongresit i kanë dhënë Kuvendit të Kosovës në ngritjen e kapaciteteve të tij legjislative dhe politike.

Buchanan u shpreh se kjo përkrahje do të vazhdoj edhe në të ardhmen, si pjesë e përkrahjes së gjithanshme të SHBA-së për Kosovën.

Veseli falenderoj delegacionin e Kongresit amerikan për këtë mbështetje, duke theksuar se ecja përpara e Kosovës dhe kapërcimi i sfidave me të cilat ballafaqohet aktualisht vendi ynë, varet nga partneriteti me SHBA-në dhe botën perëndimore në përgjithësi.

Veseli dhe Buchanan gjithashtu vlerësuan se forcimi i institucioneve demokratike në Kosovë kërkon, mes tjerash, një përqëndrim më të madh në fushën e ekonomisë, sepse zhvillimi ekonomik është njëri ndër faktorët më të rëndësishëm në forcimin e demokracisë dhe shtetit të së drejtës.

http://www.rtklive.com/?id=2&r=40081