Vërshime edhe në Kosovë

Një shi i madh që ka filluar nga mëngjesi i së premtes, ka përfshirë shumë qytete dhe fshatra të Kosovës.

Gjendja më e rendë është paraqitur në Suharekë e në Han të Elezit, Viti, Gjilan dhe në Drenas.

Te vendi i quajtur “Kroni i Mbreti” rruga është bërë e patejkalueshme nga sasia e madhe e ujit. Ndërkohë, shiu ka shkaktuar shumë telashe edhe në kryeqytet. Shumë lagje të Prishtinës janë vërshuar nga uji.

Vërshime më të mëdha ka pasur në “lagjen e spitalit” dhe në lagjen “Mat”. E kësaj situate nuk i ka shpëtuar as qyteti i Skënderajt, ku uji ka përmbytur sheshin.

Më së keqi ka qenë , te rrethrrotullimi afër QMI-së ku i lëvizja e shumë automjeteve për në Prishtinë dhe për në Shkup bëhej me shumë vështirësi.

Kurse, në Sharr dhe në Rugovë ka reshura të mëdha bore.

Në Shqipëri ishte shpallur gjendje e jashtëzakonshme nga reshjet e dendura të shiut, gjatë të cilave ishte përfshirë më së shumti pjesa jugore e vendit.
http://www.rtklive.com/?id=2&r=19883