Verifikimi i veteranëve rrezikon të dështojë

Deputeti i Kuvendit të Kosovës nga radhët e Lëvizjes Vetëvendosje!, Rexhep Selimi, ka thënë se procesi i verifikimit të veteranëve të UÇK-së rrezikon të dështojë.

Në një intervistë për “Epokën e re”, Selimi ka thënë se ky proces rrezikon të dështojë për shkak të paqartësive në ligj dhe qasjes joadekuate të mënyrës së verifikimit nga ana e atyre që kanë pasur për obligim ta bëjnë një gjë të tillë.

Ai ka vlerësuar se ky proces ka përfunduar keq, prandaj po ndodh edhe mospublikimi i të gjitha listave të zonave operative. Sipas Selimit, me anë të këtij procesi të verifikimit ka njerëz që e kanë marrë statusin e veteranit, por që nuk e meritojnë dhe ka të atillë që e meritojnë por nuk e kanë.

Ai ka thënë se Ligji për Veteranët e UÇK-së duhet të amendamentohet urgjentisht.