Vendkalimi pritet të shërbejë vetëm për qarkullim njerëzish e jo mallrash

/2L ONLINE/ – Kryeministrat e Kosovës dhe Serbisë janë pajtuar mbrëmë që të arrihet marrëveshja për hapjen e kufirit Kosovë-Serbi në vendkalimin e quajtur “Kapi”.

Komuna e Kamenicës kishte nënshkruar më parë marrëveshje me Komunën e Medvegjës për hapjen e vendkalimit, i cili do ta lehtësojë lëvizjen e lirë të njerëzve në të dyja anët.

Kjo çështje është biseduar në takimin e Kryetarit Sinani dhe Edita Tahiri kryenegociatorja e Kosovës e cila ka biseduar gjatë dialogut teknik Kosovë-Serbi.

Vendkalimi pritet të shërbejë vetëm për qarkullim njerëzish e jo mallrash. /2LONLINE/