Vendi i parë i festivalit Ansamblit “Mitrovica”, çmimi special për “Nakem” nga Bursa
/2L ONLINE/ – Ka përfunduar sonte Festivali i këngës dhe valles shqipe “Flakadanit i Karadakut 2016”, që ka shënuar përmbylljen e gjithë manifestimit të sivjetmë tradicional kulturor e sportiv. Mbrëmja finale u karakterizua me paraqitjen e gjashtë Ansambleve dhe shoqërive që ishin konkurrente, ndërkohë që u përmbyll me Ansamblin kombëtar të këngëve dhe valleve “Shota”.
Përndryshe, para publikut, u paraqitën Ansambli “Mitrovica” nga Mitrovica, Shoqëria Kulturore e Artistike Burimet e Sharrit” nga Tetova, Ansambli “Pjetër Bogdani” nga Kruma, Ansambli “Jahi Hasani” nga Çegrani i Gostivarit, Ansambli “Syziu Dance Folk” nga Lushnja dhe Ansambli “Nakem “ nga Bursa e Turqisë.
Juria profesionale në përbërje Sejmen Gjikoli, Sami Piraj dhe Dilaver Kryeziu, kanë ndarë tri çmimet e para dhe çmimin special.
Vendi i parë i takoi Ansamblit të këngëve dhe Valleve “Mitrovica” nga Mitrovica
Vendi i dytë Ansamblit “Jahi Hasani” nga Çegrani dhe
Vendi i tretë Ansamblit “Pjetër Bogdani “ nga Kruma.
Ndërsa çmimi special këtë vit i takoi Ansamblit “Nakem “ nga Bursa e Turqisë. /2L ONLINE/