Veliu: Faleminderit, dashnia juaj më bën më të fortë

Futbollisti i Llapit, Valmir Veliu pësoi një lëndim të rëndë në derbin e Superligës kundër Prishtinës në stadiumin “Fadil Vokrri”.

Ai u dërgua menjëherë në spital dhe është konfirmuar se gjendja e tij është stabile.

Valmiri përtmes një njoftimi në Facebook ka falënderuar të gjithë për mbështetjen e dhënë, duke premtuar se shumë shpejt do të kthehet në fushë, “per ta vazhduar ëndrrën prej aty ku e lam”.

Ky është postimi i tij:

Në pamundësi për të u kthyer mesazhet të gjithë atyre që janë interesuar dhe kanë dërguar mesazhe të panumërta për të u interesuar për gjendjen time po u drejtohem me anë të këtij statusi .

Falënderimi i takon Allahut që unë jam mirë me shëndet dhe e kam kaluar rrezikun në të cilin ndodhesha një ditë më parë .

Falënderim i veçantë për stafin mjekësor KF. Llapi në krye me Dr. Afrim Shabani specialist i mjekësisë sportive dhe të gjithë doktorët që u gjendën afër meje në ato momente të vështira ,duke veçuar Doktorin e nderuar Dr. Murat Berisha i cili ishte në gjendje gatishmërie që së bashku me stafin mjekësor dhanë kontributin e tyre të pashoq që unë të jem përsëri në mesin tuaj .

Poashtu falënderoj edhe kryesinë e Kf. Llapi ne krye me trajner Tahir Batatina për kujdesin e treguar .

Falënderim i veçantë shkon edhe për ata të cilët vazhdimisht shkruan mesazhe dhe u interesuan për gjendjen time deri në këto momente dhe vazhdojnë përsëri të interesohen .

Faleminderit edhe njëherë për të gjithë ata që qëndruan pranë meje dhe familjes time .

Ju premtoj se do të kthehem edhe më i fortë për të e vazhduar ëndrrën prej aty ku e lam .

Dashnia juaj më bën më të fortë, shihemi përsëri në fushat e blerta …!