Vazhdon të ndihmohet sektori i bujqësisë i komunës së Vitisë!

/2L ONLINE/ – Komuna e Vitisë, respektivisht Drejtoria për Bujqësi dhe Pylltari, përmes subvencioneve por edhe donatorëve po mbështet fermerët e kësaj komune në forma të ndryshme. Së fundmi , në bashkëpunim me Organizatën Care International, ka ndihmuar disa fermerë me kultivatorë dhe makina të tjera të nevojshme për sektorin e bujqësisë.

Gjatë vizitës në Sllatinë të Epërme, drejtori i bujqësisë Veton Ademi pa nga afër zhvillimin e kulturës së mjedrave dhe të mëllagës, që komuna ka ndihmuar këtë fermerë, i cili është edhe përfitues i një donacioni të Care International. Ditë më parë kjo organizatë ka ndarë 4 serra, 3 kultivatorë, tre fermerë kanë përfituar bimë mjekuese, si dhe ka ndarë sharra për krasitjen e këtyre bimëve. /2L ONLINE/