Vazhdon Superliga, sot Gjilani dhe Drita me sfidat e radhës

Dy ndeshjet e fundit do të luhen në kuadër të javës së 13-të ne Superlige. Në fakt sot në fushë do të zbresin dy skuadrat gjilanase që do të luajnë ndaj ekipeve të pjesës së poshtme të tabelës.

Gjilani është nikoqir i Ferizajt, por këtë takim bardhekuqtë do ta luajnë në Mitrovicë për shkak të dënimit që kanë marrë nga FFK për pezullimin e fushës.

Ndeshje interesante pritet të jetë edhe në kryeqytetin kosovar, ku Flamurtari është nikoqir i Dritës.

Vendasit nuk dinë për fitore në tetë takimet e fundit, ndërsa Drita kërkon triumfin për mos të lënë Ballkanin të shkëputet në tabelë.