Vazhdon procesi i rehabilitimit në Qendrat e Paraburgimit në Gjilan dhe Pejë

Në kuadër të programeve rehabilituese që zhvillohen në institucionet korrektuese, në Qendrat e Paraburgimit në Gjilan dhe atë të Pejës është mbajtur trajnimet “Menaxhimi i Zemërimit” dhe “Biseda për Ndryshim”.

Ky trajnim synon t’u ofrojë të paraburgosurve aftësi për të kontrolluar emocionet dhe për të ndërtuar sjellje më pozitive në përballje me situata sfiduese.

Këto programe janë pjesë e angazhimit të vazhdueshëm për rehabilitimin dhe ri-integrimin e personave të paraburgosur në shoqëri, thuhet në njoftimin e Shërbimit Korrektues të Kosovës.  /2LONLINE/