Vazhdon diskriminimi i shqiptarëve të Medvegjës,Bujanocit e Preshevës

Refik HASANI

(2L ONLINE) – Me rastin e 10 dhjetorit, dita ndërkombëtare për të drejtat e njeriut do të ishte mirë që të vizitohen këto tri komuna Medvegja, Bujanoci e Presheva nga instance dhe mekanizma Evropian dhe ndërkombëtare që merren me mbrojtjen e të drejtave dhe lirive të njeriut si të drejta të garantuara me një sërë aktesh e normash ndërkombëtare . Në këto komuna kemi shkelje drastike-diskriminim klasik të drejtave të njeriut dhe të drejtave kolektive si që është ky rajon me specifika që e dallojnë nga Republika e Serbisë pasi ka mbajtur edhe Referendumin më një dhe dy mars të vitit 1992 .

Pas vizitës në Republikën e Kosovës znj.Ulrike Lunaqek ,nënkryetarja e Parlamentit Evropian të vazhdoj duke vizituar e monitoruar vendbanimet dhe lokalitetet të Medvegjës, Bujanocit e Preshevës që të bindet për shkeljen e të drejtave të njeriut dhe të drejtave kolektive dhe të shohë nga afër diskriminimin në të gjitha fushat dhe sferat e jetës .Është për ta përshëndetur këtë vizitë në Kosovë po ashtu po aq është nevoja e madhe që Parlamenti i Evropës të ketë informata nga dora e parë në teren në këtë Krahinë .Këtij Rajoni i duhet monitorim dhe mbikëqyrje e përhershme të monitorimit Evropian dhe Ndërkombëtar. /2L ONLINE/