Vazhdojnë takimet informuese lidhur me rindërtimin e kadastrit, takimi  i radhës u mbajt në Miresh

Kanë vazhduar takimet informuese me qytetarët lidhur me fillimin e zbatimit të projektit për rindërtimin e kadastrit në Komunën e Gjilanit.

Takimi informues është mbajtur të hënën mbrëma në SHFMU “Nazim Hikmet”, me banorët e fshatit Miresh (Dobërçan), i cili është përfshirë në këtë projekt,

Banorët e këtij fshati janë informuar për rëndësinë e këtij procesi për  Rindërtimin e Zonave Kadastrale, i cili synon përditësimin e të dhënave pronësore dhe rritjen e sigurisë juridike për pronën.

Drejtoresha e Drejtorisë për Gjeodezi, Kadastër dhe Pronë, Eljesa Rashiti. tha se Mireshi me interesim të madh tregoi rëndësinë për Rindërtimin Kadastral.

“Pjesëmarrja e madhe bëri që takimi të zhvendoset në ambientin e jashtëm të shkollës, që askush mos të mbetet pa u informuar. Faleminderit të gjithë banorëve për angazhimin dhe kontributin”, tha drejtoresha Rashiti.

Takimi informuese me qytetarët lidhur me fillimin e zbatimit të projektit për rindërtimin e kadastrit në Komunën e Gjilanit,  vazhdon sot, e marte, më 7 prill 2026, në orën 17:00, në SHFMU “Ibrahim Uruqi”, në fshatin Bresalc.  /2LONLINE/