Vazhdojnë takimet ditore të Alban Hysenit, me vajzat dhe gratë e “lagjes Tetë” dhe në biznese

Kreu aktual i komunës së Gjilanit, Alban Hyseni (Vetëvendosje), i cili kërkon edhe një mandat pasi do të jetë në garën e balotazhit të 9 – Nëntorit, ka vazhduar sot aktivitetet ditore.

***

Bashkë me deputetet Arbëreshë Kryeziu-Hyseni dhe Arijeta Rexhepi, si dhe me drejtorin e Shërbimeve Publike, Kushtrim Ibrahimi, u takuam me vajzat dhe gratë e lagjes Tetë. Një bashkëbisedim i ngrohtë për punët që janë bërë, për përkushtimin e secilës prej tyre dhe për fitoren që po e afrojmë bashkë. Energjia dhe besimi i tyre janë forca që na shtyn përpara, për Gjilanin tonë, për fitoren e madhe të 9 nëntorit.

***

Me gratë dhe vajzat e Gjilanit biseduam për përkrahjen që ato gjithmonë i japin qeverisjes tonë të mirë dhe zhvillimit të qytetit. Këtë takim e organizoi kandidatja jonë për Asamble, Albulenë Hajdari, si shenjë falënderimi për përkrahjen e fuqishme që vazhdimisht kanë treguar. Bashkë me neve ishte edhe deputetja Arijeta Rexhepi, ku u pajtuam që të vazhdojmë me punë të mira për Gjilanin tonë.

***

Gjatë vizitave te bizneset e qytetit tonë, u ndalëm te “Omeri Glass”, ku na priti Flamur Sejdiu. Ai me babanë tash e 43 vjet punojnë me përkushtim e profesionalizëm në prodhimin e gilinderave, dush-kabinave, mbulojave dhe shumë produkteve të tjera cilësore. Puna e tij është shembull se si përvoja dhe pasioni krijojnë traditë që i japin vlerë ekonomisë lokale të Gjilanit.

***

Dardani është shembull i një të riu të përkushtuar e profesionist. Ai vazhdon traditën familjare mbi 30-vjeçare në instalime elektrike dhe të ujit, ndërsa prej moshës 25-vjeçare ka marrë vetë përgjegjësinë për punët në terren. Pata kënaqësinë ta takoj dhe të bisedoj me të për përvojat, sfidat dhe përkushtimin e tij në punë. Të rinjtë si Dardani janë frymëzim për Gjilanin tonë.