Vazhdojnë ta kërkojnë dorëheqjen e rektorit

(2L ONLINE) – Parlamenti i Studentëve i Universitetit të Prishtinës (PSUP) si organi më i lartë i përfaqësimit të studentëve, në mbledhjen e sotme të Senatit të UP-së, ka kërkuar dorëheqjen e Rektorit të sapozgjedhur të UP-së, prof.dr.Ramadan Zejnullahu.

Irfan Veseli. Kryetar i PSUP-së, thotë se Parlamenti i Studentëve përmes përfaqësuesve senatorë, ri-kujtoi rektorit të sapozgjedhur, për shkeljet që janë bërë me rastin e zgjedhjes së tij. Gjithashtu kërkuan nga senatori më i vjetër në Senat që të drejtojë mbledhjen, në mënyrë që të procedohet tutje konkursi për pranimin e studentëve të rinj në afatin e dytë.

“Përfaqësuesit e Parlamentit të Studentëve në Senat, në momentin që kjo gjë nuk ndodhi, lëshuan mbledhjen e këtij organi.

Parlamenti i Studentëve kërkon nga rektori i sapozgjedhur që të reflektojë sa më parë, në mënyrë që të mos e fusë UP-në në një krizë tjetër. Në të kundërtën nga java tjetër do të organizohen protesta masive, deri në dorëheqjen apo shkarkimin e tij”, thotë Veseli. /2L ONLINE/