Vazhdojnë punimet në shtrirjen e rrjetit të ujësjellësit në Fshatin e Ri

Në Fshatin e Ri të komunës së Vitisë, po vazhdojnë punimet në kuadër të fazës së dytë të projektit për shtrirjen e rrjetit të ujësjellësit.

Kjo fazë përfshin shtrirjen e rrjetit nëpër lagjet e fshatit si dhe përgjatë rrugës kryesore.

“Punimet po zhvillohen në përputhje të plotë me projektin e Komunës së Vitisë, i cili është iniciuar nga kryetari Sokol Haliti, me qëllim të përmirësimit të infrastrukturës dhe furnizimit me ujë të pijshëm për banorët e këtij fshati”, thuhet në njoftimin e Komunës. /2LONLINE/