“Vatra” ‘uron për 28 nëntorin

(2L ONLINE) – Për Ditën e Flamurit, 28 Nëntorin, shprehim urimet e më të sinqerta dhe krenare, ashtu siç e ndiejmë dhe e nderojmë të gjithë në këtë ditë.

Dita e 28 Nëntorit është data më e shënuar në historinë moderne shqiptare pas 28 Nëntorit të Gjergj Kastriotit – Skënderbeut, thuhet në urimin e Lëvizjes Vatra nga Gjilani.

Dita e 28 Nëntorit e vitit 1912 është po ashtu Dita e Pavarësisë shqiptare, e cila u cungua pa vullnetin e shqiptarëve.

Në këtë 102 vjetor, shqiptarët u forcuan në të gjitha viset e tyre.

Në Ditën e Flamurit, do theksuar se gjendja e shqiptarëve është më e mirë si për ata në Shqipëri, Kosovë, por është bërë progres edhe për shqiptarët në Maqedoni, në Luginën e Preshevës dhe në Mal të Zi.

Me fat Dita e Flamurit!, thuhet në urimin e Lëvizjes Vatra. /2L ONLINE/