“Vatra” kërkon ndihmën e shtetit amë

/2L ONLINE/ – Ambasadori i Republikës se Shqipërisë Qemajl Minxhozi priti sot përfaqësuesit e Lëvizjes Qytetare “Vatra” me seli në Gjilan, kryesuar nga Kryetarja Gentiana Shabani. Gjatë takimit u diskutua për problemet e qytetarëve të dëbuar nga Kosova Lindore që jetojnë në Kosove, ku kryetarja Shabani i dorëzoi ambasadorit një liste të problemeve me të cilat ballafaqohen qytetarët e dëbuar nga Kosova Lindore, e që jetojnë në Kosovë, me theks të veçantë problemet e pajisjes me dokumente të identifikimi, problem ky që po i preokupon qytetarët e dëbuar nga Kosova Lindore tash e 16 vite.

Siç njofton Zyra për Informim e Lëvizjes Qytetare “Vatra”, ambasadori Mingjozi u shpreh i lumtur me zgjedhjen e Gentiana Shabani për kryetare të Lëvizjes Qytetare “Vatra” duke shprehur gatishmërinëë që problemet e qytetarëve të dëbuar nga Kosova Lindore të ngritjen në instancat më të larta të Republikës së Shqipërisë.

Në fund Ambasadori Mingjozi u zotua se do të angazhohet maksimalisht për gjetjen e një zgjedhje të përhershme të këtyre problemeve me të cilat po ballafaqohen qytetarët e dëbuar me dhunë nga shtëpitë e tyre, thuhet në njoftimin e “Vatrës”. /2L ONLINE/