Valverde: Kemi besim, por United ka entuziazmin e fituesit

Valverde: Kemi besim, por United ka entuziazmin e fituesit

Trajneri i Barcelona-s, Ernesto Valverde, ka folur në konferencë për shtyp për ndeshjen e çerekfinaleve të Champions League kundër Manchester United.

“Është një ndeshje që vlen shumë dhe ne jemi në formë. Duam të  japim maksimumin në këtë përballje të dyfishtë. Manchester United është i fortë në goditjet standarde dhe jo vetëm, vjen nga një përmbysje e madhe kundër PSG-së dhe është i motivuar. Do të duhet të bëjmë kujdes”.

Më mirë të shënosh apo të mos pësosh: “Nëse do t’i kombinonim të dyja, do të ishte ideale. Nuk mund të mendosh vetëm për të shënuar, ashtu si nuk mund të mendosh vetëm për t’u mbrojtur”.

Përmbysja e United me PSG-në: “Kishin shumë mungesa në Paris, por kanë arritur të fitojnë 3-1. Entuziazmi të jep një shtysë më shumë dhe United mbetet një ekip i madh”.

Për shortin: “Nuk ka qenë i favorshëm, por duam të fitojmë. Eliminimi me Roma-n duhet të jetë një stimul”. Për Messi-n: “Presim shumë nga ai, Messi e tregon gjithmonë sa vlen”.

Për ndeshjen e kthimit në “Camp Nou”: “Është e vështirë që një ndeshje e tillë të vendoset në takimin e parë. Duhet të shmangim një situatë si ajo në Romë. Kemi besim të madh”.

KOMENTE