Uta Ibrahimi e përmbylli ngjitjen e 14 majave më të larta në botë, urohet nga ministri Çeku

Alpinistja gjilanase, Uta Ibrahimi e përmbylli ngjitjen e 14 majave më të larta në botë.

“Me suksesin në majën Kanchenjunga, njërën ndër më të rrezikshmet në Himalaje, Uta bëhet personi i parë nga Ballkani dhe gruaja e parë shqiptare që ngjitet në të gjitha 14 majat më të larta në botë”,  ka thënë ministri në detyrë i Kulturës, Rinisë dhe Sportit, Hajrulla Çeku.

Ai e vlerësoi një arritje historike dhe frymëzuese, që e vendos atë mes alpinistëve më të mëdhenj botërorë.

“Forca, guximi dhe përkushtimi i saj janë shembull për të gjithë, veçanërisht për gjeneratat e reja dhe për vajzat që ëndërrojnë lart. Urime, Uta, krenari e Kosovës”, thotë ministri Çeku.   /2LONLINE/