Ushqimet që ju ndihmojnë nëse vuani nga migrena

Dhimbjet e migrenës, për atë që i ka provuar, janë më të tmerrshmet. Këto dhimbje janë paralizuese dhe shoqërohen me të vjella e ndjeshmëri ndaj dritës.

Në shumicën e rasteve dhimbjet kanë nevojë për trajtim mjekësor, por në disa të tjera ato parandalohen ose zbuten nëpërmjet disa ushqimeve.

Peshku me yndyrë është i pasur ma acide yndyrore omega-3 që largon inflamacionin dhe dhimbjet.

Këto acide yndyrore ulin edhe tensionin e lartë të gjakut.  Ato i gjeni tek salmon, skumbria dhe trofta.

Arrorët janë të pasura me magnez, një mineral që nxit dhe përmirëson qarkullimin e gjakut. Ai ndihmon në largimin e dhimbjeve të kokës dhe të migrenës.

Përveç arrorëve, magnezin e gjeni edhe tek fasulet dhe drithërat e plota.

Farat e Linit

Këto fara janë një burim i shkëlqyer i acideve yndyrore omega-3 që largojnë dhimbjet e migrenës.

Ato janë element përbërës të shumë kurave popullore kundër migrenës.

Uji

Uji është thelbësor për shumë funksione të organeve të trupit. Dehidratimi, ose mungesa e ujit nxit dhimbjet e kokës dhe migrenën.

Pini ujë rregullisht që të parandaloni dhimbjet.

Kosi

Trupi dhe truri kanë nevojë për kalçium që të funksionojnë siç duhet. Mungesa e këtij minerali nxit dhe shkakton edhe dhimbjet e migrenës.

Sugjerohet konsumimi i rregullt ditor i kosit që trupi të ketë vazhdimisht kalçium e që migrena të mbahet larg.