Urimi i Rexhep Kadriut të AAK-së për Krishtlindje

(2L ONLINE) – Nënkryetari i Komunës së Gjilanit, Rexhep Kadriu, që njëherësh është edhe Kryetar i Aleancës për Ardhmërinë e Kosovës (AAK), Dega në Gjilan, i ka uruar besimtarët katolikë. për Festën e Krishtlindjeve me dëshirën që paqja, bekimi e shpëtimi të mbizotërojë kudo përreth nesh.

Kadriu tha se në këtë festë dëshiron që në emër të Aleancës, të përçojë mesazhin e tolerancës së ndërsjellë, dashurisë, respektit e humanizmit tek të gjithë. Ai ka uruar besimtarët e krishterë që të kremtojnë të lumtur këtë festë të tyre dhe që të mbizotërojë harmonia e lumturia mes tyre, por edhe në raport me të tjerë.

Kadriu ka thënë se Gjilani njihet për tolerancë fetare dhe etnike, andaj ka uruar për kremtime të përbashkëta, për punë e angazhime të përbashkëta në të mirë të vendit tonë.

Urime e Gëzuar Krishtlindjet.
Rexhep Kadriu, kryetar i AAK-së, Gjilan