United i gatshëm të përfshijë Januzajn në blerjen e Depay

Drejtuesit e Manchester Unitedit, janë duke e menduar përfshirjen e Adnan Janzuajt në blerjen e mundshme të futbollistit të PSV-së, Memphis Depay. Sipas mediave në ishull, klubi nga “Old Traffordi” është i gatshëm t’ia ofrojë PSV-së, 25 milionë euro, plus anësorin shqiptar për Depay.

Drejtori sportiv i PSV-së, Eindhoven, Marcel Brands ka konfirmuar interesimin për transferimin e reprezentuesit shqiptar të Belgjikës, por sipas tij, PSV synon ta këtë Januzajn në skuadër në formë huazimi. Brands mendon se transferimi i talentit shqiptar do të ishte një përforcim i madh i skuadrës holandez për sezonin e ardhshëm në Champions League.

“Nëse një lojtar të tillë si Adnan Januzaj do të pranonte të vijë dhe luajë futboll në Champions League, atëherë shansi është më i madh për bërë një veprim të përkohshëm”, tha Brands.