UNICEF dhe Ambasada e Britanisë së Madhe ndihmojnë shkollat e komunës së Vitisë me mjete higjienike

Në prag të fillimit të periudhës së dytë shkollor 2020/2021, Komuna e Vitisë, është furnizuar me pako higjienike për të gjitha shkollat e kësaj komune dhe atë nga organizata UNICEF dhe Ambasada e Britanisë së Madhe në Kosovë.

Basri Aliu, Drejtor i Arsimit në Viti, tha se ky donacion është shumë i mirëseardhur për këtë komunë në veçanti në kohën e pandemisë të shkaktuar nga virusi COVID-19.

“ I falënderojmë donatorët për këto pako higjienike që do të shpërndahen në të gjitha shkollat e e komunës sonë. Me të vërtetë pakot higjienike janë shumë të mirëseardhura pasi që gjendemi në kohën e pandemisë dhe kemi nevojë për mjete higjienike që do të ndikojnë në parandalimin e infektimit me virusin COVID-19 për nxënësit por edhe për gjithë personelin arsimor” u shpreh drejtori Aliu. /2LONLINE.com/