Ulja e numrit të dhuruesve të gjakut, Suedia përdor një metodë të suksesshme

Fenomeni i dhurimit të gjakut është ulur me 25% në krahasim me 10 vite më parë. Për shkak të kësaj çdo shtet e kupton se ka ardhur momenti i sensibilizimit në masë të qytetarëve, deri sa të bëhen dhurues ose që të vazhdojnë ta bëjnë një gjë të tillë.

Në Suedi, një organizatë e donacioneve e Stokholmit, e quajtur “Blodcentralen”, ka shpikur një metodë që duket së është me të vërtetë e efektshme, për të shpërblyer donatorët dhe për të siguruar që ata të vazhdojnë të dhurojnë.

Pas dhurimit të gjakut, donatori merr një mesazh nga organizata, e cila përveç se e falënderon, e njofton se gjaku i tij është përdoruar për të shpëtuar një jetë njeriu. Duket se kjo strategji po funksionon shumë mirë. Përveç kësaj, dhuruesit kanë të drejtë që të njoftohen edhe për rezervat e gjakut.