UKZ pjesë e takimit Transnacional në kuadër të projektit CoVE SETM Europe

Në këtë takim Universiteti Publik “Kadri Zeka”, Gjilan, u përfaqësua nga Rektori Prof. Asoc. Dr. Artan Dërmaku, koordinatori i projektit në UKZ Prof. Dr. Xhevdet Thaqi, Hidajete Jashari, Rrezart Rexhepi dhe Luljete Berisha.

Gjatë ditës së parë, agjenda përfshiu sesione kyçe si prezantimi dhe organizimi i takimit, përditësime mbi ecurinë e projektit (WP1), trajnimin për PPP (WP7), punëtorinë mbi trajnimet (WP4), si dhe diskutime mbi shpërndarjen, dukshmërinë e projektit (WP6) dhe zhvillimin e aktiviteteve në kuadër të WP3.

Në këtë kuadër, Universiteti  Publik “Kadri Zeka” pati një rol të veçantë si lider i paketës punuese WP6 – Dissemination. Ekipi i UKZ realizoi një prezantim të detajuar mbi strategjinë e shpërndarjes së projektit, duke theksuar rëndësinë e rritjes së dukshmërisë, komunikimit efektiv dhe përfshirjes së aktorëve relevantë në nivel lokal dhe ndërkombëtar.

Dita e dytë u fokusua në zhvillimin e mëtejshëm të komponentëve strategjikë të projektit, përfshirë ndërtimin e CoVE (WP2), aplikimin e ciklit PDCA për përmirësim të vazhdueshëm (WP7), si dhe avancimin e punës në WP5.

Një moment i rëndësishëm gjatë kësaj dite ishte prezantimi i bërë nga Prof. Dr. Xhevdet Thaqi, i cili prezantoi modelin e CoVE në kuadër të Universitetit Publik “Kadri Zeka”, si pjesë e aktiviteteve të WP2. Prezantimi nxori në pah përkushtimin e UKZ-së për zhvillimin e qendrave të ekselencës profesionale dhe rolin e tij në fuqizimin e arsimit dhe aftësimit profesional.

Pjesëmarrja aktive dhe kontributi i vazhdueshëm i ekipit të UKZ-së në të dy ditët e takimit dëshmoi përkushtimin institucional në arritjen e objektivave të projektit dhe në forcimin e bashkëpunimit ndërkombëtar.

Ky takim shënoi një hap të rëndësishëm përpara në realizimin e objektivave të projektit CoVE SETM Europe, duke vendosur themele të forta për aktivitetet e ardhshme dhe rezultatet e pritshme, thuhet në njofitmin e UKZ-së. /2LONLINE/