UKZ organizon pritjen solemne të studentëve për Vitin e Ri Akademik 2026/2027

Me rastin e fillimit të Vitit të Ri Akademik 2026/2027, Universiteti Publik “Kadri Zeka” në Gjilan organizon pritjen solemne të studentëve.

Ceremonia do të mbahet të enjten, më 1 tetor 2026, në ora 11:00, në Universitet.

Në këtë ditë të veçantë, Rektorja Fitore Malaj, së bashku me Prorektorët, Dekanët, Sekretarin e Përgjithshëm dhe personelin akademik e administrativ, do të jenë së bashku me ju për t’ju uruar një fillim të mbarë të Vitit të Ri Akademik.

Në ceremoninë e mirëseardhjes të pranishmëve do t’u drejtohen me fjalë përshëndetëse Rektorja Fitore Malaj dhe Dekanët e Fakulteteve.

Universiteti Publik “Kadri Zeka” ju uron mirëseardhje të gjithë studentëve, veçanërisht studentëve të rinj, duke ju dëshiruar një vit akademik të suksesshëm në rrugëtimin e tyre universitar, njëherësh uron edhe personelin akademik dhe administrativ për një vit të mbarë! /2LONLINE/