UKZ njofton studentët për mundësinë e studimit dhe bursave në Gjermani

Universiteti Publik “Kadri Zeka”, në Gjilan, njofton studentët se më 10 mars 2026 (e martë), duke filluar nga ora 13:30, Salla A34, do të mbahet një sesion informues për mundësitë e studimit dhe bursave në Gjermani.

“Sesioni informues do të mbahet nga Znj. Catalina Heine, përfaqësuese nga Ambasada Gjermane, e cila do të prezantojë mundësitë për studime dhe bursa për studentët. Ajo do të shoqërohet nga Z. Adrian Ramabaja, ligjërues i DAAD në Universitetin e Prishtinës”, thuhet në njoftimin e UKZ-së.

Universiteti ka ftuar të gjithë studentët e interesuar që të marrin pjesë në këtë aktivitet informues.   /2LONLINE/