UEFA: Shqipëria, skuadra e javës!

Kombëtarja e Shqipërisë ka bërë bumin më të madh me fitoren në Aveiro me rezultat 1:0 kundër Portugalisë, në ndeshjen e parë të grupit I të eliminatorëve në Euro 2016. Faqja e asociacionit më të lartë evropian, UEFA, ka shkruar shkëlqyeshëm për Shqipërinë e cila konsiderohet si “Skuadra e Javës”.

Nuk është pak apo jo, madje një titull i tillë do të ishte konsideruar guxim i tepruar, apo jashtë realitetit i shkruar nga një dorë shqiptare, por ja që diçka të tillë e bën UEFA, që e argumenton këtë përzgjedhje me suksesin e papritur të Shqipërisë që nuk ngurron ta etiketojë si një fitore sensacionale, madje duke sjellë dhe deklaratat e shkurtra të kapitenit Lorik Cana apo trajnerit Gianni De Biasi, natyrisht pa harruar golin spektakolar të Bekim Balajt.

Fitorja e kuqezinjve në Aveiro konsiderohet si surpiza më e madhe e një jave ku befasitë nuk munguan në shumë prej ndeshjeve të luajtura.