UEFA ka publikuar renditjen e përgjithshme për klubet evropiane: FC Drita klubi më i mirë nga Kosova
FC Drita në një njoftim zyrtar ka bërë me dije se në prag të mbylljes së vitit kalendarik, shtëpia më e madhe e futbollit evropian, UEFA ka publikuar renditjen e përgjithshme për klubet evropiane dhe se në listën e paraqitur nga UEFA, FC Drita zë pozitën e 246-të, me koeficient 5000.
Ja njoftimi i plotë i klubit:
FC DRITA klubi më i mirë nga Kosova në Evropë
Në prag të mbylljes së vitit kalendarik, shtëpia më e madhe e futbollit evropian, UEFA ka publikuar renditjen e përgjithshme për klubet evropiane.
Në listën e paraqitur nga UEFA, klubi ynë DRITA zë pozitën e 246-të, me koeficient 5000.
Nga pjesëmarrjet në garat ndërkombëtare, klubi ynë në edicionin 2018/19 grumbulloi 1500 pikë (pozita 372), 2000 pikë në garat e edicionit 2020/2021 (pozita 296) dhe 1500 të tjera në pjesëmarrjen e këtij viti 2021/22 (pozita 246).
Pas paraqitjeve të shkëlqyeshme në garat evropiane, FC DRITA vazhdon të mbetet klubi me më së shumti pikë nga Kosova në renditjen e Evropës për klube.
Ecuria e klubit tonë dhe skuadrave të tjera pjesëmarrëse në garat ndërkombëtare ka ndikuar edhe në renditjen e Kosovës, duke e ngritur atë në pozitën e 39-të me 8 mijë e 166 pikë.
Fal paraqitjeve të mira, në edicionin garues 2022/23 Kosova do të paraqitet me 4 ekipe në garat evropiane, në Champions League, Europa League dhe Conference League, respektivisht: kampioni, fituesi i Kupës, vendi i dytë dhe vendi i tretë në Superligë. /2LONLINE.com/