UEFA delegon gjyqtarin nga Kosova në fazën e Ligës të UEFA Conference League

“Është Genc Nuza, ai, i cili do të gjykojë në ndeshjen Lausann-Sport Breidablik, që zhvillohet më 2 tetor 2025, në orën 18:45, në “Stade De La Tuilière” në Lausanne”, njofton Federata e Futbollit të Kosovës (FFK).

Nuza në këtë ndeshje do të asistohet nga Fatlum Berisha dhe Bujar Selimaj, ndërsa gjyqtar i katërt do të jetë Erdall Zasella. Në VAR do të jetë Dardan Çaka, ndërsa AVAR do të jetë Visar Kastrati.

“Delegimi i gjyqtarëve nga Kosova në një ndeshje kaq të rëndësishme dëshmon edhe një herë për profesionalizmin, përkushtimin dhe punën e palodhshme të tyre ndër vite, si dhe për besimin që UEFA ka në drejtësinë e ndarë prej tyre”, njofton FFK.

FFK është e bindur se ata edhe kësaj radhe do ta përfaqësojnë me nder dhe dinjitet futbollin tonë në arenën evropiane. /2LONLINE/