Udhëheqësit komunal të Vitisë vizituan shkollën multietnike në Binçë

Kryetari i komunës së Vitisë, Sokol Haliti dhe drejtoresha e Arsimit Fatbardha Emini, bashkë me policinë e Kosovës – stacioni në Viti, kanë vizituar sot shkollën multietnike në fshatin Binçë, ku mësojnë fëmijë të dy komuniteteve, shqiptarë e serb.

Qëllimi i kësaj vizite ishte për të parë nga afër ecurinë e procesit mësimorë në shkollën fillore “Ndre Mjeda” paralelja e ndarë në Binçë dhe shkollën fillore “Mladen Markovic”, të cilat funksionojnë në një hapësirë të përbashkët.

Me këtë rast kryetari Haliti, tha se komuna e Vitisë do të vazhdoj mbështetjen pa dallim për të gjitha shkollat e komunitetin serb që funksionojnë brenda territorit të Vitisë. Përndryshe, në këtë shkollë, janë gjithsej 12 nxënës, 5 shqiptarë dhe 7 të komunitetit serb. /2LONLINE/