Udha për Preshevë pas reshjeve të borës!

(2L ONLINE) – Ja kështu duket udha Gjilan-Preshevë sot më 27 Dhjetor 2014. Pjesa nga kufiri e tutje pas reshjeve të para të borës. Pjesa nga ana e Kosovës e tutje deri në kufi ishte e kalueshme edhe në pjesët më të larta të maleve të Karadakut, andej nga Muqobaba. Kompetentët ishin kujdesur ta pastronin nga bora! Pjesa nga kufiri e tutje ishte e pa prekur. Mu ashtu si kish ra bora, ashtu ishte.

Megjithëse kerret kalonin por ishte e vështirë për të ngjitur pjesët ngul përpjetë, sidomos në dalje të Preshevës për Gjilan. Në kufi asgjë e jashtëzakonshme, biles edhe më e zakonshme se herëve tjera. Asnjë kontroll i rreptë. Të paktën ne nuk e hetuam një gjë të tillë.

Edhe në Preshevë njëjtë veçse njerëzia ankohej se po shëtitej nji grip i keq andejpari. Përshëndetje nga Presheva Jonë.

/Xhelil ARIFI / 2L ONLINE/