UÇK, me luftën e saj fitimtare realizoi ëndërrën e Zijah Shemsiut dhe gjithë heronjëve që ranë për Kosovën…

Ish-komandanti i Ushtrisë Çlirimtare të Kosovës për Zonën Operative të Karadakut, Ahmet Isufi, ka theksuar rëndësinë e 5 Majit – Dita e Dëshmorëve të Kombit, kur kujtohen të rënët për liri, në të gjitha trojet shqiptare.

Në këtë përvjetor, u kujtua dhe u nderua edhe Zijah Shemsiu, një ndër aktivistët dhe patriotët më të shquar të lëvizjes kombëtare të viteve të 80-ta.

Sipas Isufit, Zijah Shemsiu ishte ndër ata që besonin fuqishëm se çlirimi i vendit mund të arrihej vetëm përmes luftës së armatosur, duke u bërë frymëzim për brezat që pasuan.

“Ushtria Çlirimtare e Kosovës, me luftën e saj fitimtare, realizoi ëndrrën e Zijah Shemsiut dhe gjithë heronjve që ranë për Kosovën, shtet të pavarur e sovran,” ka thënë Isufi, duke e lidhur drejtpërdrejt sakrificën e brezave të mëhershëm me rezultatin final të çlirimit.

Në fund, mesazhi mbetet i qartë dhe i përhershëm: Lavdi përjetë Heroit të Kombit, Zijah Shemsiu dhe Lavdi e përjetshme Dëshmorëve të Kombit! /2LONLINE/