U trajtuan dhe u shqyrtuan çështje me rëndësi për funksionimin, planifikimin dhe zhvillimin e qëndrueshëm të Ndërmarrjes

Më datë: 19.06.2026, Bordi i Drejtorëve i KRU “Hidromorava” Sh.A. mbajti Mbledhjen e gjashtë (VI) të rregullt për vitin 2026, në të cilën u trajtuan dhe u shqyrtuan çështje me rëndësi për funksionimin, planifikimin dhe zhvillimin e qëndrueshëm të Ndërmarrjes.

Në këtë mbledhje u shqyrtuan dhe u miratuan:

Raporti i Punës për muajin maj 2026, i cili paraqet aktivitetet operative dhe financiare të realizuara gjatë periudhës raportuese;

Rishikimi i Planit të Biznesit për vitin 2026, me qëllim harmonizimin e objektivave dhe aktiviteteve me nevojat aktuale operative dhe zhvillimore të Ndërmarrjes;

Rregullorja për Operimin, Monitorimin dhe Mirëmbajtjen e Infrastrukturës së Shfrytëzimit të Ujit në KRU “Hidromorava” Sh.A., e cila synon forcimin e standardeve të menaxhimit, mirëmbajtjes dhe funksionimit të infrastrukturës ujore.

Gjatë mbledhjes, Bordi i Drejtorëve diskutoi gjithashtu lidhur me planet dhe masat për menaxhimin e furnizimit me ujë gjatë sezonës verore, me fokus në sigurimin e një furnizimi të qëndrueshëm, menaxhimin efikas të burimeve ujore dhe gatishmërinë institucionale për përballimin e kërkesave të shtuara gjatë muajve të verës.

KRU “Hidromorava” Sh.A. mbetet e përkushtuar në përmirësimin e vazhdueshëm të performancës operative dhe financiare, duke siguruar shërbime cilësore, të besueshme dhe të qëndrueshme për të gjithë konsumatorët. /2LONLINE/