U shënua edhe në Viti Dita ndërkombëtare e të sëmurëve me sindromin Dawn
/2L ONLINE/ – Me rastin e Ditës ndërkombëtar të të sëmurave më sindromin Dawn, Drejtoria e Shëndetësisë së bashku me Qendrën Kryesore e Mjekësisë Familjare në Viti dhe në koordinim me Drejtorin e Arsimit, kanë shënuar këtë ditë me një vizitë që i kanë bërë fëmijëve me këtë sindrom e të cilët ndjekin mësimet në shkollën fillore “Bafti Haxhiu”.
Drejtori i Shëndetësisë dhe Mirëqenies Sociale në Viti Basri Aliu, pasi ka folur për shënimin e kësaj dite, ka falënderuar gjithë ata që po përkujdesen në mbarëvajtjen e mësimit të kësaj paralele, e në veçanti ka përgëzuar për punën dhe përkushtimin e mësuesit Besnik Zuka për edukimin e këtyre nxënësve.
Po gjatë kësaj vizite, është ofruar edhe asistencë mjekësore nga mjekët e QKMF-së, ndërkohë që u janë shpërndarë dhurata simbolike për nderë të kësaj dite. Drejtori I kësaj shkolle Mustafë Aliu, ka theksuar se kjo klasë e nxënësve me sindromin Dawn, funksionon që nga viti 2002 në Viti. Si e tillë ajo ka ndikuar shumë pozitivisht në emancipimin e këtyre fëmijëve në jetën shoqërore”, ka thënë Aliu. /2L ONLINE/
