U pensionua mësimdhënësja e Biologjisë Elfete Sherifi
Sot u pensionua mësimdhënësja e Biologjisë, Elfete Sherifi, njofton Shkolla e Mesme e Agrobiznesit dhe Teknologjisë “Sahit Baftiu” në Gjilan.
Gjatë përvojës së gjatë si mësimdhënëse ajo u tregua një udhërrëfyese jetësore për nxënësit e saj, ngase vetë lënda që e ligjëronte lidhej me jetën.
Në njoftim thuhet se profesoresha Elfete ushqeu te nxënësit idenë se, gjëra të mëdha në jetë mund të arrijmë vetëm duke mësuar çdo ditë dhe duke i bashkuar këto njohuri brenda një sistemi të veçantë.
“Urojmë që shëndeti i plotë dhe pozitiviteti në jetë ta përcjellë shumë gjatë profesoreshën e nderuar”, thuhet në njoftimin e Shkollës së Mesme të Agrobiznesit dhe Teknologjisë “Sahit Baftiu”, /2LONLINE/