U pensionua Dr. Qefsere Kqiku – Doktor i Stomatologjisë

“Sot, në prezencë të menaxhmentit të QKMF-së, shërbimit të Stomatologjisë dhe familjes Kqiku, është pensionuar një prej profesionistëve më të shquar të shëndetësisë primare, Dr. Qefsere Kqiku – Doktor i Stomatologjisë”, thuhet në njoftimin e Qendrës Kryesore të Mjekësisë Familjare (QKMF), Gjilan.

U vlerësua lartë kujdesi profesional ndaj qytetarëve në nevojë për ndihmë shëndetësore stomatologjike dhe ruajtje të raporteve ndërkolegiale, kështu duke i dhuruar mirënjohje në emër të QKMF-së, Drejtori Dr. Basri Kamberi.

Kontributi i saj në QKMF-në e Gjilanit, qysh nga viti 1999 lë shenjë të pashlyeshme në ndërtimin, ruajtjen dhe ngritjen e cilësisë dhe ofrimit të shërbimeve shëndetësore stomatologjike në Komunen e Gjilanit, tha mes të tjerash Shefi i Shërbimit Dr. Taulant Ramadani.

Pensionimi i saj do të reflektojë mungesë për Institucionin!

Duke filluar një kapitull të ri, Dr. Qefseres i urojmë shëndet dhe mirëqenie, thuhet në njoftimin e Qendrës Kryesore të Mjekësisë Familjare (QKMF), Gjilan.  /2LONLINE/