U nënshkruan kontratat për ndarjen e grandëve në vlerë prej 40.000 euro

/2L ONLINE/ – Janë 14 klube sportive , organizata, shoqata, Ansamble e shoqëri të ndryshme artistike e kulturore, që veprojnë në Komunën e Vitisë, të cilat kanë nënshkruar sot zyrtarisht kontratën e marrjes së grandeve në kuadër të projektit “Cross Border”, projekt i perfituar nga Komuna e Vitise dhe Komuna e Likoves nga Komisioni Evropian.

Në ceremoninë e nënshkrimit të këtyre grandeve, Kryetari i Komunës së Vitisë Sokol Haliti, ka përgëzuar përfituesit duke i inkurajuar të vazhdojnë me përkushtim edhe më të madh drejt rezultateve të reja.

“Është investim i Komisionit Evropian dhe shfrytëzoj rastin të falënderoj ata për këtë përkrahje në avancimin dhe zhvillimin e sportit dhe kulturës në komunën tonë. Një falënderim të veçantë për partnerët implementues të këtij projekti, por edhe bashkëpunëtorët e tjerë që kanë ndihmuar në këtë drejtim. Dëshiroj që këto grande, të shkojnë në vendin e merituar, aty ku është e nevojshme që të ndikojnë në rritjen e zhvillimit kulturor e sportiv”, ka thënë kryetari Haliti.

Ai ka marrë pjesë në nënshkrimin e kontratës së parë, ndërkohë që ka vazhduar më tej drejtoresha për Kulturë Rini e Sport në Viti Kaltrina Sylejmani së bashku me menaxherin e projektit Valon Xoxa .

Shuma e tërësishme e grandeve që kanë përfituar 14 grupet dhe shoqëritë kulturo artistike është 40.000 euro dhe ato janë:

1.A.k.v “Kemajl Azizi”-4,000€
2.K.f “Vllaznia”-4,000€
3.K.f “Vitia”-4,000€
4.Klubi i Basketbollit “Vitia”-3,600€
5.Shoqata e Grave “Grate e Goshices”-3,300€
6.T.V.P “Oktet+”-3,000€
7.OJQ “PMSC”-3,000€
8.Sh.k.a “Jonuz Ramadani”-2,800€
9. Sh.a.f “Gursel Sylejmani”-2,500€
10.OJQ “Legjenda”-2,200€
11.KVRL-2,000€
12.Klubi i Shahut “Vitia”-1,950€
13.Shoqata e Pedagogeve te Kultures Fizike dhe Sporteve Shkollore-1,950€
14. A.k.v.b “Dasma”-1,700€.