U mbajti takim vlerësues për zbatimin e Strategjisë së Integruar të Policisë 2026-2030
Sot, nga koordinatori njëherësh drejtori i Departamentit dhe Rendit Publik të Policisë së Kosovës u mbajt takimi për vlerësimin e zbatimit të Strategjisë së Integruar të Policisë së Drejtuar nga Inteligjenca dhe Policisë në Bashkësi dhe Planit të Veprimit 2026–2030.
Në këtë takim u paraqit një pasqyrë e progresit të arritur në zbatimin e Planit të Veprimit 2026–2030, për periudhën Janar-Qershor 2026.
Gjatë takimit, anëtarët e grupit punues të Policisë së Kosovës, nga drejtoria e përgjithshme, departamentet dhe drejtoritë rajonale, prezantuan një përmbledhje të zbatimit të aktiviteteve përkatëse brenda fushës së tyre të përgjegjësisë.
Gjithashtu në këtë takim prezantuan edhe përfaqësuesit e OSBE-së dhe UNDP-së për mbështetjen që i ofrojnë Policisë së Kosovës dhe planet për të ardhmen sipas kësaj strategjie.
Nga raporti përfundimtar u vlerësua se bazuar në realizimin e paraparë përgjatë kësaj periudhe, rreth 73 % e aktiviteteve janë realizuar dhe një pjesë e tyre janë në proces të realizmit.
Ky vlerësim do të ndihmojë në identifikimin e sfidave gjatë zbatimit, si dhe në nxjerrjen e rekomandimeve për hapat e ardhshëm. /2LONLINE/