U mbajt trajnim për plotësim të aplikacioneve të granteve të BE-së

/2L ONLINE/ – Zyra për Investime dhe Mbështetje të Bizneseve, në bashkëpunim me projektin Aftësitë për Punësim Rural të HELVETAS Sëiss Intercooperation, ka organizuar sot një trajnim në lidhje me plotësimin e aplikacioneve dhe dokumenteve tjera për skemën e granteve të BE për sektorin privat.
Në këtë trajnim një ditor merrnin pjesë përfaqësues, respektivisht të interesuarit për aplikim në grantet e BE-së. Projekti Aftësitë për Punësim Rural është një projekt pro-të varfërve i cili ka për synim një qasje ndaj komunitetit të gjerë, por megjithatë duke vënë në rend të parë të rinjtë, femrat dhe pakicat përbrenda qëllimit të përgjithshëm të rritjes së punësimit dhe të ardhurave.

Po ashtu do të rrisë mundësitë për punësim dhe të ardhurat në zonat rurale të Kosovës, nëpërmjet një varg ndërhyrjesh që kanë për qëllim përmirësimin e aftësive, trajnimin dhe zhvillimin ekonomik./2L ONLINE/