/2L ONLINE/ – Është mbajtur sot séanca e VI-të e rregullt e Kuvendit Komunal, në të cilën janë shqyrtuar disa pika me rëndësi. Fillimisht kryesuesi i Kuvendit Naim Pira ka hapur debat për kërkesat që kanë këshilltarët drejtuar udhëheqjes komunale, me që rast atyre i’u është përgjigjur zv.kryetari i komunës Hasan Aliu.
Ndërsa si pika të rendit të ditës që ishin paraparë për këtë seancë, ishin Korniza afatmesme buxhetore (KAB) e Komunës së Vitisë 2017-2019, që e paraqiti drejtori i Financave dhe Zhvillimit Ekonomik Ibrahim Rama, pikë kjo e cila u debatua më së shumti nga këshilltarët. Këshilltarët miratuan Propozim rregulloren për plotësimin dhe ndryshimin e rregullores mbi Transparencën Nr.01-013/592, propozim vendimin për dhënien në shfrytëzim afatgjatë pronën e paluajtshme të Komunës Këshillit të Bashkësisë Islame në Viti, propozim vendimin për dhënien në shfrytëzim afatshkurtër pronën e paluajtshme të Komunës Kompanisë KKDFE SH.A. “KEDS” J.S.C. për vendosjen e një trafo elektrike.
Gjithashtu këshilltarët u informuan për mirëmbajtjen verore dhe dimërore të rrugëve në Komunën e Vitisë, si dhe për Manifestimin “Flakadani i Karadakut”, edicioni -XV-. /2L ONLINE/