U mbajt punëtoria që synon mbështetjen e grave për krijimin e organizatave sindikale

Organizuar nga Drejtoria për Bujqësi e Pylltari në Viti, është mbajtur sot një takim me bizneset dhe menaxherët e resurseve humane nga sektori privat, në kuadër të projektit “Punë të denjë për gratë”.

Qëllimi i këtij projekti, është përmirësimi i cilësisë së punësimit për gratë në Kosovë, përmes adresimit të diskriminimit  në vendin e punës dhe zbatimin e legjislacionit që lidhet me grat dhe punën.

Projekti “Punë të denjë për gratë” është pjesë e Programit të Drejtësisë Sociale, që ndër të tjerash synon pjesëmarrjen aktive të grave dhe grupeve ,ë të ndjeshme në dialogun social.

Gjithashtu, kontribuon  në drejtësi më të madhe sociale duke u përmirësuar zbatimin e të drejtave të punës dhe legjislacionit.

Në këtë takim ishte i pranishëm edhe kryetari i komunës Sokol Haliti, i cili ka ritheksuar mbështetjen e Institucioneve komunale për projektet e grupeve të grave, si dhe mbështetjen e vazhdueshme në përfshirjen e tyre në organet vendimmarrëse.

 Haliti po ashtu ka përmendur edhe një varg projektesh që janë realizuar në komunën e Vitisë nga grupet e grave dhe ka shprehur gatishmërinë që edhe në të ardhmen, të mbështesë iniciativat që e forcojnë pozitën e gruas në shoqëri.

Ky takim është mbështetur nga IKS (Iniciativa kosovare për Stabilitet) që është një institute kërkimor i pavarur, jo fitimprurës e që fokusohet në hulumtime epirike dhe analiza të zhvillimeve socio-ekonomike në Kosovë, ndërsa mbështetet nga Ambasada holandeze në Kosovë. /2LONLINE.com/