U mbajt Ora Letrare e Manifestimit “Lulëkuqet e Prillit” 2025 – Ja fituesit

Në kuadër të Manifestimit Tradicional “Lulëkuqet e Prillit”,  në Kamenicë u mbajt Ora Letrare, në të cilën me poezitë e tyre u paraqiten krijues të ndryshëm nga trojet shqiptare, të cilët para audiencën së pranishme lexuan krijimet e tyre, pjesa më e madhe me poezitë konkurruese, por u lexuan poezi edhe nga poet të pranishëm, por jashtë komkurrencës.

Poezitë e lexuara që ishin në garë për tri çmimet e para. ishin ato që paraprakisht ishin dërguar në adresë të organizatorit me shifër, e ku një juri përkatësi kishte bërë përzgjedhjen për Orën Letrare.

Poeti e kritiku, Nexhat Rexha, në emër të Klubi Letrar “Nositi”, ka bërë me dije se në Konkursin Letrar anonim të poezisë “Lulekuqet e Prillit“ – 2025, të shpallur nga Klubi letrar “Nositi” dhe DKRS-ja, kishin konkurruar autorë me 67 poezi, e ku juria profesionale e këtij konkursi kishte vlerësuar për 33 poezi të zgjedhura, për t’u lexuar në Orën Letrare për të garuar për tri çmime. Në Orën Letrare poezitë e tyre konkurruese i lexuan 22 poetë të pranishëm.

Me këtë rast, juria profesionale në përbërje: Albina Idrizi, kryetare e jurisë, Sinan Sadiku dhe Bajram Kallaba, anëtarë, shpallën rezultatet vlerësuese dhe ndanë tri çmime:

Vendi i parë iu nda poetes Ajne Iberhysaj, ”Hije në valë”, me shifrën ”Malli”

Vendi i dytë, Bilall Maliqi, “Të prita”, me shifrën “Fati”

Vendi i tretë, Kaltrinë Berisha ”Flladi i një nate vere”, shifra “Djella”

Përndryshe, rrjedha e orës letrare është fokusuar edhe me syrin e kamerës nga Gani Kryeziu, i cili vazhdimisht po krijon arkivin në ruajtje të fjalë poetike në jetën kulturore në Kamenicë e më gjerë. Edhe kjo foto e këtij shkrimi është bërë nga ai.  /2LONLINE/