U mbajt me sukses programi “Youth Empowered”

Këtë fundjavë, në Amfiteatrin e Shkollës së Muzikës në Gjilan, u mbajt me sukses programi “Youth Empowered”, i sjellë për herë të parë në qytetin tonë nga Coca-Cola HBC Kosova dhe Innovation Centre Kosova (ICK), me mbështetje të Komunës së Gjilanit përmes Drejtorisë së Arsimit.

Ky aktivitet gjysmëditor u përqendrua në tema aktuale dhe të domosdoshme për të rinjtë tanë: Inteligjenca Artificiale, Aftësitë e së ardhmes, shkathtësitë e buta dhe udhëheqja. Nxënësit dhe studentët pjesëmarrës u pajisën me certifikata digjitale nga Coca-Cola dhe ICK, si dëshmi e angazhimit të tyre në ndërtimin e aftësive për të ardhmen.

Drejtoria e Arsimit në Gjilan ka falenderuar të gjithë pjesëmarrësit për angazhimin e tyre, trajnerët, znj. Shenaj Shala, z. Valon Canhasi dhe z.Gent Shala për përvojën dhe dijen e ndarë, si dhe sponsorët e aktivitetit për mbështetjen e vazhdueshme në fuqizimin e të rinjve të Gjilanit.

“Ky është vetëm një hap i rëndësishëm drejt krijimit të mundësive më të mëdha për gjeneratat e reja të qytetit tonë”, thuhet në njoftimin e DKA-së për këtë ngjarje. /2LONLINE/