U mbajt mbledhja e rregullt e KPF-së

/2L ONLINE/ – Është mbajtur sot mbledhja e nëntë e rregullt e Komitetit për Politikë e Financa, ku janë shqyrtuar disa pika me rëndësi që janë paraparë për seancën e radhës së Kuvendit Komunal t[ Vitis[.

Në këtë mbledhje, kryesuesi i Kuvendit Naim Pira ka propozuar rendin e ditës, ku ishte paraparë shqyrtimi i propozim vendimit për dhënien e pëlqimit kompanisë private “Bleta” SHPK për hulumtim dhe shfrytëzim në fushën e gjeologjisë. Po ashtu u propozua edhe rregullorja për hapjen e kutive të ankesave, si dhe anëtarët e KPF-së u informuan rreth kontratave të nënshkruara për vitin 2015.

Të gjitha këto pika që ishin paraparë për këtë mbledhje, u aprovuan nga anëtarët e KPF-së për procedim në seancën e ardhshme të Kuvendit Komunal. Seanca e nëntë e Kuvendit Komunal të Vitisë, u caktua të mbahet për të hënën më 19 tetor me fillim në ora 10;00. /2L ONLINE/