U mbajt mbledhja e Komitetit për Politikë dhe Financa
/2L ONLINE/ – Në mbledhjen e 5 të rregullt të Komitetit për Politikë dhe Financa (KPF) që është mbajtur sot pas shqyrtimit të pikave të paraparë dhe pas dhënies së komenteve nga anëtarët e këtij komiteti është votuar me shumicë votash pro strategjisë komunale për personat me aftësi të kufizuara për vitet 2015-2018.
Po ashtu ky komitet me shumicë votash ka votuar pro propozim rregullores për organizimin e korrje – shirjeve në Komunën e Vitisë. Gjithashtu anëtarët e këtij komiteti u pajtuan edhe rreth propozim vendimit për dhënien në shfrytëzim afatshkurtër një pronë të paluajtshme të Komunës, Kompanisë KKDFE SH.A “ KEDS” J.S.C për vendosjen e një trafo elektrike në fshatin Smirë dhe atë në një sipërfaqe prej 4 metër katror.
Ndërkaq gjatë këtij takimi është prezantuar edhe plani i prokurimit publik për vitin fiskal 2015. Përndryshe shumica e këtyre pikave do të shkojnë për procedim të mëtutjeshëm në mbledhjen e radhës të Kuvendit Komunal të Vitisë. /2L ONLINE/