U mbajt Mbledhja e Këshillit Komunal për Siguri në Bashkësi

/2L ONLINE/ – Mbledhjen e sotme e udhëhoqi nënkryetari i komunës Fatmir Matoshi.Në rend të ditës ishte velrësimi i situatës së sigurisë në Komunën e Kamenicës, si dhe informata e drejtorit të Drejtorisë për Shpëtim dhe Emergjencë, Faik Rexhepi, lidhur me përgatitjet e kësaj drejtorie për sezonin dimëror.

Nënkryetari Matoshi, në emër të strukturave komunale, dha vlerësimet rreth gjendjes së sigurisë në komunën tonë,duke e konsideruar të mirë dhe stabile.

Ndërkaq, ai tha se në mënyrë më profesionale, mund të flas për këtë temë komandanti i Stacionit të Policisë në Kamenicë, Nazif Hajrizi.Komandanti i policisë, ishte në dakord me vlerësimet e strukturave komunale lidhur me gjendjen e sigurisë në komunë tonë, ai poashtu tregoi se policia është e përgatitur edhe për sezonin dimëror, duke e bazuar strategjinë sipas kushteve dhe rrethanave.

Këtyre ditëve do të shtohet numri i automjeteve në rrugë, pas ardhjes së bashkatdhetarëve nga perëndimi për festat e fundvitit.Komandanti i policisë, i falënderoi të pranishmit për bashkëpunim,duke thënë se rezultatet e deritanishme nuk janë vetëm rezultate të policisë,por të perbashkta .

Drejtori i Drejtorisë për Shpëtim edhe Emergjencë. Faik Rexhepi,i njoftoi të pranishmit për përgatitjet e bëra për sezonin dimërorë dhe thot se Drejtoria për shpëtim dhe Emergjenca është në gjendje gatishmërie./2L ONLINE/